" ناس كان ليهم بصمه " بقلم الشاعر طاهر مختار

ناس كان ليهم بصمه ف حياتنا كانت دايما

تسعدنا وترسم الفرحه ف قلوبنا

علمتنا معنى المسؤليه وزاي نكون ايد واحده

 ونراعي ربنا وضمايرنا

من بعدهم حاسينا بالعزله والدموع سايله

من ع خدودنا

وذكرى طيبه بتشغل تفكرنا لكن بتسعدنا وتذكرنا بحبهم لينا من يوم ما إتقابلنا

اهل وأصحاب وأستاذه كانت بتسعى ف حل مشاكلنا وتوفير الراحه والأمان اللي يناسبنا.

وفجأه انتهت بدموع وفراق مع مرور الزمن بيطاردنا وأصبحت الدنيا شىء

 سيئ ف نظرنا

لكن هو دا نصبنا نفضل نضحي عشان نسعد غيرنا ونعلم ولادنا اصول التربيه

 والحكمه وتنتهي بفراقنا.

ناس داخل صفحات ذكرياتنا ومهما مرت الأيام صورتهم مابتفرقش خيالنا

أيام جميله كانت ف يوم بتجمعنا وتهون علينا همومنا ومشاكلنا وتخاف علينا

وترسم البسمه ف عيونا

بصمه داخل قلوبنا وذكرى طيبه بتسعدنا مع الرغم بعدنا عنهم وفراقنا

الف نور ورحمه ع أعز الناس اللي ياما أخلصوا وضحوا عشانا

عشان كده لازم نصحى ونعرف ان الموت ف أنتظارنا ولازم ونعالج عيوبنا وأخطانا.

ونقول يارب اهدينا وارحمنا واحسن ختامنا وارحم اعز الناس اللي كانوا دايما

بيرسموا الفرحه ف قلوبنا...

الشاعر طاهر مختار عتيت

شاعر العصر... تحيا مصر

ربنا يرحم امواتنا اجمعين

كفرالزيات ( اكوه الحصه)