بياع كلامم للشاعر الغنائي المتألق صبري رسلان

بياع كلام
...................
قلبك كده دق
وبتكااااااااااااابر
والشوق في عيونك
مش صابر
وليلاتي في
حلمك نتقابل
وندوب في غرام
قدام الناس تعمل ناسي
وتوه عن شطي وفيه راسي
لا بتسهر ليل ولا بتقاسي
ولا بينا كلام ..
هتفضل على كده تلعب بيا
وتبيع لي كلام سيل حنيه
رواياتك كلها مقريه
وحفظاها كمان ..
هتداري لإمتى وهتخبي
سيبك لا تقول قلبك قلبي
كفياني في وهم
ما ضاع حبي
قلبك ليه جبااااان ...
بتخاف من الناس ترمي كلامها
تقفل في عيون مفتوح بابها ..
ما تقولها بحبك مش فارقه
وأتحدى وحارب علشانها
شيفاك فارس بحصان جالها
يخطفها وتكمل أحلامها
باااااااااان كدبك
هديت في أمالها
ضيعت غرام
مكسور بالها
شبكت أوهام في جناح مكسور ..
رفرف ولا طار حط مكانه
بياع مش حيلته إلا كلامه
لا رست على بر
وفيه عايشه
من بحر الشوق
طلعت بايشه
أحلام أوهام في جنان طايشه
باي باي يا غراااااام ...
فكرك هتحب وبالساهل
وتداري فى حلم مهوش ظاهر
تحلف وتقول حبك طاهر
ما شبعنا كلام ...
بقلم .. صبري رسلان