تحيا مصر
علمو أبنى اليتيم
أن موتى معناه
كبير
معناه انى كنت حره
بحمى بلدى من صهيونى
لعين
علموه لما يجى يصلي
يحمد ربه انى امه
وانى مت علشانه هو يشرب
من نيل الغلبانين
علموه دايما يحافظ على
على الارض والطين
علموه يعنى ايه الدين
قولو امك كانت دايما
بتقول الدين لله والعباده
علاقه خاصه بين العبد ومولاه
علموه يعنى ايه معنى مصر
وانو لما يكبر يدافع عنها
ولو كان ابنه هيصبح يتيم
علموه ان مصر حلاوتها
فى الكنيسه والجامع وهما باالحب
متجمعين
علموه انو لما يدافع عن وطنه
ويموت يبقى مصري اصيل
واوعو تنسو تقولوله ان امه ست
جدعه مرويه بمية النيل
وانى لما مصر صرخت
حضنت الرصاص بصدري الرحيم
وانى كنت عاوزه اعيش وافرح مع المصرين
وازرع الطين الى منعنى عن زراعته اللئيم
وأوعاكم تقولوله ان الى قتلنى من المصرين
أبقو قولو كان صهيونى وكان بيقتل الملاين
ابنى اليتيم امانه فى ايديكم هسئلكم عنه
يوم الدين
بقلمى رؤي المنياوى
ليست هناك تعليقات:
إرسال تعليق