العيون شافت كتير .. للشاعر الغنائي المتألق عطية خيرة

العيون شافت كتير..بقلم:عطية خيرة..
-------------------------------------------------
العيون شافت كتير .. والقلوب دابت ياعيني
والشباب م بقاش بيسمع .. الكلام وملوش كبير
بُص شوف دا فيه دراسة .. والكياسة م اللي هيه
والـكـريم ينفـع يكـون .. والـكــيـان ينـفـع وزير
بَس فين الحظ ييجي .. والكلام يسكت شوية
والقلوب تحب تاني .. والضمير يصبح أمير

الخصام ضيَّع حياتنا .. والعِناد دخل في بيتنا
والشيطان دخل حارتنا .. والمحروس صَبَح وزير

لسه شايف فيه وقاحة .. فيه مياصة وفيه تفاهه
والكـلام بعـد الدراسـة .. جـاب نجاح مـع الضـمير

وبرضه شايف شاب لابس .. البنطلون مِن غير كمام
والغريب أنا شفتُه هايـص .. مِدّيها نوم مِن غير كلام
والبنطلون مليان خروم .. وحاجة تكسف زي السموم
والإسترتش مالي المكان .. وريحته فايحة زي الزكام
عمال بيوصف كل اللحوم ..وكــأن هـوه كــل الـهــدوم
والشكل باين وكأنه خُنفس..ومفيش رجوله تقول يِدوم

قــالـــــوا زمـــــــــان ..يامــا الـهــــــدوم تـســـتر بلاوي
ييجي الشباب يعمل خروم .. والـعـــــقـــل خـــــــــاوي
ويقــول دي مــوضــــــة .. دي واقـــعـــة ســـــــــودة
بُـص ف مرايتك وشوف حكايتك ..يـمـكــــن تـداوي

كل الشباب مافيش كلام .. نور العيون من غير خصام
وأنا بحبك تكـون جميل .. زي الرسـول وتكــون نـبـيـل
والبنطلون يكون طويل .. وبدون سقوط اوعى الهبوط
وأحلى مافيك تكون كبير .. ويكون كلامك زي النشــيد
أصل الشياكة موش كلام .. الشـياكـة حـاجــات كـتـيـر.