يالشعبي العراقي... للشاعر المبدع حسان الأمين

اليوم بالشعبي العراقي

ما ألوم احد

الي يبيع الوطن
ما يهمه احد
وما يهمه
الي ينام جوعان
ولو بير الحزن
ينفتح لو ينسد
وما يهمه
الطفل عريان
وهو ا بلبسه
كل يوم يتجدد
الصديق بهاليوم
بس للمصلحه
ولو طلبت منَّ جكاره
عليك يتنهد
وتراه منعم بماله
حلال لو حرام
وبنار احنه
وعنده العالم امورد
يريد الدنيا كلها
وبس اله
ويريد وحده
بخير ألبلد يتفرد
ما يدري الدنيه دواره
وتخلي مثل الفار
بعد ما جان يتأسد
ومن يدور الوكت
ننسى الحقد
ونكله اطلب
شتريد ولا تتردد
لان العراقي
بطبعه ألوفه والعفو
واليشرب ماي الفراتين
عمره ما يتمرد
حسان ألأمين

جكارة = سيكاره , الوكت = الوقت