أنا بسبس أنا بسيوني .. للشاعر المتألق بسيوني صديق

أنا بسبس أنا بسيوني
*****************
أنا بسبس انا بسيوني
ياللي متعرفوش
معاني الأسامي
اسألوا ومتتكسفوش
الاسم بسيوني
قولتم وده يطلع إيه
قولتكم خيرة الأسامي
افرحوا ومتزعلوش
*****************************
أنا بسبس أنا بسيوني
متستغربوش
في يوم ميلادي
نامت الوحوش
طفشت الأعادي
دقت الطبول
واتملت الكروش
****************************
أنا بسبس أنا بسيوني
بسس كان عين ودليل
لأهل مكة متستغربوش
وأصبح صحابي جليل
بسبس أبو وجه بشوش
بحبه لما بيه ينادوني
الاسم غالي مخترتوش
****************************
أنا بسبس أنا بسيوني
الاسم فيه حاجة
ولا في أي رتوش
إن كان فيه أخبروني
ومتحوروش
قسما بربي اللي خلقني
ومشفتوش
أنا إسمي غالي
وأنتم اللي متعرفوش
*****************************
أنا بسبس انا بسيوني
يا ناقم علي إسمي
اللي مخترتوش
تتمني تختار زي إسمي
بص في مرايتك
يا أبو شكل منحوس
هتلاقي حمار حصاوي
وساعتها تقول
حوش ياحواش حوش
*****************************
أنا بسبس أنا بسيوني
روحوا وشوفوا
في المعجم والقاموس
أسامي المعاني
وكل شئ مدروووس
اتعلم ياجاهل
يا أبو قلب مطموس
****************************
أنا بسبس أنا بسيوني
سن الرمح
في آخر العود
لنحر الناقة
في اليوم الموعود
أتباهي بيه
في وسط الحشود
ليه أستعر منه ده مكتوب
بأمر الواجد الموجود
*************
بسيوني صديق